طلّـوا طلّـوا الشَـبّيحة
ونَبَحـوا نَبَحـوا النَبّيحـة
نُصُـنْ ناسْ فاجـرة
ونُصُـنْ كـلابْ داشـرة
والكـلابْ مابتِنـلامْ
مَهْمـا نَبحتْ للنِظـامْ
وهي الدابّي اسْـتقالْ
وبالنائِصْ مِنْ
دجّـالْ
دودِ الخلْ
منو وفيهْ
يخربْ بيتو
شـو مِحتالْ
وينَـكْ يادابي وينَـكْ
العمى العمى بِعينَـكْ
عينَـكْ مالا شـايفة
الدباباتْ صافّـة
وادنَكْ مالا سـامعة
المدافِـعْ قاصفـة
إلّي إلّي بشـو
رَشـوكْ
حتى تَزَوِرْ
هَالتَقريـرْ
إلّي إلّي شـو
عطـوكْ
حتى تزمِّـرْ
هالتَزميرْ
انشـالله تكونْ عارِفْ
حَبلِ الكِـذِبْ آصيـرْ
وإصحى تكـونْ ناسـي
الكَـذّاب عَجْهَنَّـمْ
هالنِظـامْ ماشـي
مصـابحْ مماسـي
وأنت بدَرعـا بِدُنْ يـاكْ
وهي حِمْصْ بتِسـتَنّاكْ
وبدارفورْ عاوزيـنَكْ
وبلاهاي طالبينَكْ
***
طلّـوا طلّـوا الشَـبّيحة
ونَبَحـوا نَبَحـوا
النَبّيحـة
يا معَلِـمْ هَـدي حـالَكْ
هيْ أوربة مـو
إشْـطة
ويابُثَينـة ياشَـعبانْ
حَضْري حـالِكْ
عَالشِّـرطة
الجَعفَري بدو خرجيـة
للدوَلِ الخليجية
والحَسـونْ بيزَأزِئ
شـوية زيتْ زَيِتلـو
والبـوطي عَمْ يِفْـتي
خَـرزة زَرْأة حِطِّلـو
وهيْ طالِبِ ابراهيم
عَمّـا يَطوَلْ ويِئْصَـرْ
وهَيو آبو عَبدَ
الله
عَمّـا يِزئَـعْ ويبئَـعْ
وهَيو أحمدْ حَجْ
عَلي
عَمّـا يِردَحْ ويِنْطَـحْ
وهـادا شَـريفِ شْـحادة
برافـو فيصَـلْ سَـوَّحو
وعبدِ المسـيحْ الشـامي
شَـئْفِةْ كِرسـي رَوَّحو
هالكِرسـي المِتآمِـر
كيفْ كيفْ طَوَّحـو
ويادريدْ يالحّـامْ
عمّـا تأيِـدْ
اللحّـامْ
جبينكُنْ والله واطـي
وجبينِ الشَـعبْ عـالي
***
طلّـوا طلّـوا الشَـبّيحة
ونَبَحـوا نَبَحـوا
النَبّيحـة
وهالنِظـامْ فـارِطْ
وائِفْ وائِفْ على نَكْشـة
وكِلْ يومْ عَـمْ
يِغرَأ
بِدو مِنْ حَـدا
أشَّـة
والأشّـة عَنـدِ الروسْ
والروسْ بِدونْ فلوسْ
والفلوسْ عَنـدِ الصينْ
والصينْ بِدها بترولْ
والبترولْ بإيـرانْ
وهَيِّ عِينا عَلينا
يامَسـكينة سـورية
مينْ ماجاكي مَنهـوبة
حاكِمْهـا آتِلْهـا
وحاميهـا حَراميهـا
ومِنْ هالِكْ لَمالِكْ
لأباضِ الأرواحْ
الله يَخَلِصْنـا مِنهُـنْ
غيرِ الدمْ مامِنهُـنْ
مِنِ الحِكامْ وزِلمُنْ
مِنْ جُـوّا ومِنْ
بَـرّا
ويَلْلا أرَّبْ يومْـكُنْ
وانشـاْالله مِنْشـوفكُنْ
بِالآفَصْ مِنْشـوفكُنْ
وبِالسِـجِنْ مِنْشـوفكُنْ
وهالشَـبّيحة للأَبَـدْ
بالسِـجِنْ للأَبَـدْ
راحـوا راحـوا الشَـبّيحة
وخرسـوا خرسـوا النَـبّيحة
راحـوا راحـوا
الشَـبّيحة
وخرسـوا خرسـوا
النَـبّيحة
***
كلمات: طريف يوسـف آغا
كاتب وشـاعر عربي سـوري مغترب
هيوسـتن / تكسـاس
الأحد 20 ربيع الأول 1433 / 12 شباط، فيبروري 2012
ليست هناك تعليقات:
إرسال تعليق