عمّا اتخيل حفيدتي وهي ...ابتتزين
للزفه وشهر العسل بعدها عمّا
...تحلم
قلت لنفسي ونظرتلها بعيوني
...واضحكت مع غصه في قلبي
ولما سمعتني عما اضحك
تركت الزينة .....واتحولت لعندي وقالتلي:
شو ياجدي ؟
شايفتك كنت بتطلع علي و كنت سرحان وساكت ؟
وبعدها صارت البسمه ,
وعقبتها بالضحكة ؟
تسلملي يجدي .....ممكن
تحكيلي ؟
زادت عندي الضحكة وحاولت
اعتدل واحكي لحفيدتي
وهي عما اتشجعني .....يلا
احكي يجدي ...احكي حتى اتشجعني
قلتلها طيب يبنتي , ساعديني
حتى اعتدل واحكيلك حكايتي
وساعدتني واعتدلت بجلستي
وقالتلي يلا احكي ياجدي
قلتلها يعروسه و حورية جايه من الجنة
ذكرتيني بجمال عروستي
وبشهر العسل اللي كان .....وكان
!
تعرفي يابنية كل الناس
عندها شهر عسل واحد
وجدك كان عندو شهرين ؟
ضحكت وقالت: أكيد الشهر
التاني هو :ماكان مع ستي
قلتلها صدقيني هما الاتنين
كانوا معها
والفرق بين الشهرين كان عشر اسنين محسوبة هجري
كنا اتنين منحب بعض
وبيناتنا ود ورحمة
والحرب فرقت بيناتنا عشر
اسنين وهي كل الوقت
صابره ومحتسبه
هي تنده وتصرخ واتقول
ماتتركني أبداً ياعمري
وَرَدّي كان صدى اصراخها يقول
...وانت كمان ...يابعد قلبي
ولما كان تظهر بوادر أمل
اتجمّعنا
وكان الأصدقاء اللي بهمهم
أمرنا .....يسألوني
امتا رح تعمل شهر عسل تاني
؟
وجدك يابنتي كان امشرد في
البلاد ....ومن زاوية ميتة ...ومن قرنة لقرنه
وكل واحد منهم يتبرع ويحلف
ويوعد
واحد من اسطنبول التركية
عندو قصرين اكبار وسيارات
بالجمله
لما سمع رح نلتقي أنا وستك
فرح اكتيير يابنتي .
وسيارة تحت تصرف الحلوين بوعدو رح يوفي
والقصر كلو على احسابك شهر
والا شهرين اعتبروا ياصديقي العزيز ملكك
والثاني قلي لاتهتم
...فنادق وسفرات ومطاعم ...كل حسابها عندي
وعود اكتيرة .. وتبرعات
أكتر ... وكلام اكتير ياريتو لو كان حتى امصدي
وفي يوم صيف وحر اشديد
واجتمعت بستك بعد عشر
اسنين
فرحت اكتير وقلت رح عوض
الحرمان لحبيبتي
خبرت أصدقائي الموعودين ,وحكيتلهم
وذكرتهم بالوعود والمواعيد
وهاي مرت اتلت عقود يبنتي
ولسه غبرة الصحراء من شهر العسل
التاني .....ماغادرت جسمي
ومن يومتها كل ماشفت عروسة
لشهر العسل متزينه
يضحك وابقول ياترى ...؟ أصدقاء
أبوها متل أصدقائي تنك امصدي
واضحك والغصة والحرقة بقلبي ابتكويني
ليش.. أُمّتنا عن وعودها
دايما ناكسه ولا بتوفّي؟
هو هذا سبب تخلفنا يابنيتي
مابدّك بوعدك اتوفّي.......
الآحسن والأجمل والأفضل
أنك لاتوعدي ولااتفسي
وشورأيك.. بقى .....بقى
.....ياحبيبتي ؟
وباستني بخدي وقالت
هو كان جيلكم ياجدي
وأصدقاءك أقل شي ممكن انقول عنهم
ماتوا وبالتراب صار مأواهم
مع وعودهم المعفن والمصدي
وبكفي عندك حفيدة متلي ....من
شهر العسل التاني
وهاي بتحضر نفسها للزفة ....وشهرها
العسل الموعود
واللي بوعد ولا بوفّي
هو كاذب ومنافق ومأفون.
اضحك ولا اتزعلني
الله يرضى عليك ياجدي .
د.عبدالغني
حمدو
ليست هناك تعليقات:
إرسال تعليق