آه... ياأمي ..نفسي شوفك قبل ماموت .....والا انت اتموتي
أنا بعرف من زمان ناطره اتشوفيني ,
كان نفسك اتشوفي ..بيي... وخيي ....وخيتي
وطال علينا الزمن اكتيييييير
....يأمي
ومن سنه وشهر واشوي.... ياأغلى من
عيني
قلت لنفسي وانتي قلتي اكمان
....دخيل الله ...من درعا اطفال رح يجمعوني أنا وانتي
بس الحكي صار اكتير يأمي
...والصرخة ماعادت اتفيد
كانت الثورة ناصعه وبيضه متل الفل .....وريحها
أطيب
كانت اجنينة والا جنة عدن....
مفروشة عكل الوطن والديرة
وطمعت الناس فيها.... يأمي
قسموها قطع اكتير ....اصغيرة
ونشروا فيها آفات امحلّية ومنها
....مستوردة وغريبة وسامه
بعد ماكانت برية وأصلية ...من جذور
ومن أعماق الأرض نبتت قوية
وبين كل قطعة .....وضعوا احدود
وألغام وأسلاك شايكة!
وخدود نار مشتعلة
وكل مسئول فيها يأمي
عما يجهز لياخد القطعة التانية
واللي حرمنا من بعض , وبعد ماصار
اكتير في متلك ومتلي وأكتر
عما يحطم كل وردة بقت صامده في
الجنة
واللي استولوا عالقطع همهم الوحيد...
يبعد عيني
يكون عندهم حمير واكلاب وابغال
اترفس
ومجموعة اتهلل واتصفق ...لاودان
عندها ...ولا عيون ....ولا عقل ياخد ويعطي
وكل واحد عمل تنسيقية.... والتاني
مجلس عسكري امصدي
والتالت امفلس ....وهو بالأصل حرامي
بصور فيلم من عدة ثواني
بشحد عليه وبتسول .... ولما تكتر
بجيبو العطية
بلم المصاري وبترك مجموعتو وبروح
لعند عاهرتو.... منفوخ وكرشو أعلى من خشمو
طل الملوحي من زنزانتها ابتصرخ
...وحسين هرموش قبالها عما يبكي
وبقلها والدمع من عينيه بيجري
...خانوني يابنيتي ...لما شافوني رح طهر الجنينة
واحميها كلها .....واتصير عامه
صار الدم الطاهر يأمي تجارة رابحة
وسفك الطهارة والبراءة ونفخ البنت
هي وحية بضاعة
والثكالى والأيتام والمخيمات وسيلة
للعرض والاعلان ....مصادر دخل ناجحه ومنتشره
شو بدو المجرم اللي حرمنا وشردنا
أكتر من هيك خدمه !!!
بصرخ من زمان وابقلهم ...ولك هاي
الجنة لينا كلنا
مابسمع إلا صوتي ....وما حدا
بسمعني
واحد بقول هاي الجنينة ابتعت فكري
والتاني بقول هاي القطعة كلها
لمشروعي
والتالت بقول هاي الأرض ماحدا رح
يسيطر عليها غيري
وكل واحد بخون بجاروا , وبهمل اختو
وخيو
وببعت إلهم عدو تاني وتالت ورابع
وكلهم شايفيينها عضمة ....وعليها
عما يتقاتلوا
ومنهم عما يجهز حالو.... وبيجمع وحوش
للمرحلة القادمة
والوحش عما يفترسهم واحد ورى واحد ....وهما
عما يتنازعوا عالعضمعة
صدقيني مين ماحكم منهم
مارح يسمحلي شوفك
ومارح يمسح دمعة أم هاجر .....ولا
ياخد بتار زينب الحصني
مافي حل..... يأمي ؟؟؟
غير ازنود سُمر وبيض ومعها الحنطي
اللي ايدها عالزناد ....ومعهم اللي
رافعين علم التحرير ....حتى يكونوا ايد وحده
يسمعوا صرختي ولك ....كونوا
مقتنعين متلي
هاي الأرض لينا كلنا
وجنة عدن فيها الخير اللي يكفي
أنا سامع صوتها من ابعيد وهي بتقلي
يبعد عيني يابني
راح العمر وماعدت اسمع ولا ابشوف
ولا بمشي
بس صوتي ماخفت ولساتو بيصرخ وبقول :
هاي الأرض أرضنا , والشرف نحنا
نفديه ابدمنا
واللي مابنتخى ولا رح ينتخي هو
مو من ناسنا وأصلنا
بس لاتقنط يابنيي ...واصرخ ...بلكي
حدا يحس ويسمع وينقذ هاي الديره
د.عبد الغني حمدو
ليست هناك تعليقات:
إرسال تعليق