الله يرضى عليك يابني .....خود
ليلى بنت ضيعتنا
هي أغنية يمكن كان يغنيها نصر شمس
الدين
وأنا من وقت اللي كنت أعزب كنت
ابغنيها لنفسي
وبالفعل بعد ماكبرت وصرت رجال
اجوزت ليلى بنت ضيعتنا
وخلفنا بنين وبنات وهي راحت على ضيعتنا
ولادي وبناتي معها وأنا بالغربه
عما دور من زمان حوالي هاك الضيعه
كبروا الولاد والبنات ولاحدا اجوز
منهم
من كام يوم اتصل فيني ابني الكبير
هو شاب اتحمل هم العيله ....خمس
بنات وولدين وأمهم
من وقت اللي كان عمروا لسه اصغير
وهلق كبر وصار رجال
قلي يبيي أنا صرت اكبير
ولما كنت اسمعك اتغني الله يرضى
عليك ياإبني... خود ليلى بنت ضيعتنا
واسمعت وصيتك يبيي واخترت وحده من
ضيعتنا
بس ماتزعل لأنو اسمها امغاير لاسم
ليلى
بس هي حلوه وبنت ابن عمك وعمي
وكل أهل الضيعة ابتشهد ببيها وامها
وهيي
وابخاف اتروح مني ...طلابها اكتار
يبيي
بدي منك تطلبها من أبوها ليي
وبعدها تضرب ايدك بالجيبه وتبعتلي
هديه
بس حق خاتم واسواره وحلق هديه
اسمعت كلامو وحكيت مع ابن عمي
أنا ابحبك يابن عمي وبدي بنتك
لابني
قلي وانا ابحبك وهاي
البنت بنتك يابن عمي
وألف مبروك قلتلها وقلت لابني
وبعدين ضربت ايدي بجيبي
مالقيت حق خاتم تنك امصدي
قلت مافي إلا أصحابي بلكي يوقفوا
جنبي
أنا عارف بالبيت مافي أكل ولا قرش
من زمن جدي
ورطت نفسي وطلبت البنت لابني
قلولي ياأصحابي وأشيروا عليي....
أنا عقلي ماعاد يجيب ولا يودي
ابني ولد طيب ورائع ..والبنت بنفس
الخير تتلاقى مع ابني
امتى الثورة تنتصر واترجع حقك وحقي
يابني
وأقدملك مزرعة هدية ....مللي
أخدوها القرود من جدك وبيي
وقتها رح تحتاج حب ود بينك وبينها
أنت وهيي
الله يرضى عليك ياإبني اصبور على
أبوك والثورة اشويه
رح اتشوف الفرحة بعيون كل الناس
سوية
واتقلك مبروك وقتها بسعاده وحنيه
آه يابني ماعندي قلك إلا
مبرووك حاف والجيبه فاضيه من
العمله
الله يرضى عليك يابني.....
د.عبدالغني حمدو
ليست هناك تعليقات:
إرسال تعليق